Një person është arrestuar nga policia pasi është kapur me lëndë narkotike. Në pranga ka rënë Kristo Dervishi, 29 vjeç, banues në Sarandë.
Gjatë kontrollit në vijën e dytë nga punonjësit e Policisë Kufitare në Kakavijë është konstatuar në çantën e 29-vjeçarit një sasi lënde narkotike kanabis sativa, me peshë 106 gram, e cila u sekuestrua në cilësinë e provës materiale.
Sipas policisë, Dervishi po udhëtonte me autobus drejt shtetit grek.
Materialet do t’i kalojnë Prokurorisë së Krimeve të Rënda Tiranë, për veprime të mëtejshme për veprën penale “Trafikim i lëndëve narkotike”.