Pesë kilogramë marijuanë janë sekuestruar dje në pikën e kalimit kufitar në Kakavijë, ndërsa në pranga është vënë poseduesi i saj.
Sipas policisë, Sazan Ismailaj, 31 vjeç, po udhëtonte drejt Greqisë me mjetin e tij Golf 4 veturë me targa greke ZZY 2349, në gomat e të cilit kishte fshehur 8 pako marijuanë.
Pas marrjes në pyetje të 31-vjeçarit, policia tha se ai e ka kultivuar dhe prodhuar në një tokë të hapur rishtas mbi fshatin Sevaster , në rrethin e Vlorës, dhe do ta trafikonte për në Athinë.