Një javë pas ndarjes nga jeta të Davide Astorit, ‘Artemio Franchi’ duartrokiti për herë të fundit kapitenin e tij.
Në sfidën mes Fiorentinës dhe Beneventos, takimi u ndërpre në minutën e 13, ashtu si numri 13 që Astori mbante në fanellë dhe për më tepër se një minutë, i gjithë stadiumi duartrokiti kapitenin.
Emocione të shumta, lot dhe një koreografi spektakolare, e përgatitur në nder të Davide Astorit, që u nda nga jeta të dielën e kaluar, pas një ataku kardiak.
Vetëm pak minuta më pas, Fiorentina gjeti golin e avantazhit, që u shënua pikërisht nga mbrojtësi brazilian Vitor Hugo, i cili luante sot në vendin e Astorit.
a.s/dita