Dy persona u arrestuan dhe një i tretë u shpall në kërkim për trafik lëndësh narkotike. Policia vendore njoftoi se ndaloi Sotiraq Beçin, 29 vjeç dhe Arjan Seferi, 31 vjeç, ndërsa në kërkim u shpall Foto Kapurani, 47 vjeç, banues në Korçë. Gjatë kontrollit të ushtruar në parkingun e tyre në afërsi të mbikalimit të Fllakës, pranë murit rrethues, iu gjet dhe sekuestrua një çantë e zezë, me pesë pako me lëndë narkotike hashash, me peshë 5,8 kg, si dhe një armë automatik. Materialet iu kaluan Prokurorisë me dy akuza.