Dy të plagosur u shënuan në po kaq aksidente të ndodhura në Durrës e Fushë-Krujë mëngjesin e djeshëm. Nën hetim u mor R. M., 62 vjeç, banues në Manëz, pasi duke drejtuar mjetin “Golf” me targa AA274FL, i ka ndërprerë rrugën veturës “Benz” me targa AA920AC, e drejtuar nga Q. Xh., 34 vjeç, banues në Fier, që u plagos lehtë. Kurse P. K., 49 vjeç, banues në Tiranë, akuzohet se në aksin Laç-Fushë Krujë, në afërsi të Thumanës, me mjetin “Benz” me targa AA829FT, ka dalë nga rruga dhe u plagos H. A., 35 vjeçe, pasagjere.