Më shumë se një muaj pas plaçkitjes së Radiostacionit të Fllakës për skrap, policia zbulon të dyshuarit për ngjarjen. Mëngjesin e djeshëm u ndaluan Nikolin Luli, 20 vjeç dhe Gjon Memaj, 20 vjeç, banues në fshatin Vllazërimi. Policia tha se të dyshuarit janë bashkëautorë në dëmtimin e rrjetit elektrik të Radiostacionit Fllakë, ngjarje e ndodhur më datë 29 dhjetor 2013. Po dje u kap edhe Sokol Ndreka, 39 vjeç, që kërkohej me vendim gjykate për armëmbajtje pa leje dhe kanosje.