Dy aksidente në rrugën e “Kombit”, nuk raportohen të lënduar. Dëborë dhe mjegull e dendur, vështirësi në qarkullim

Dy aksidente janë shkaktuar nga reshjete  dëborës që filluan pasditen e së dielës në Kukës.

Në Rrugën e Kombit janë vështirësitë më të mëdha pasi përtej dëbores, mjegulla e dendur e vështirëson kalimin në këtë segment ku si pasojë u shkaktuan edhe dy aksidentet tek tuneli Kalimashit-Dukagjin.

Dy mjete të tonazhit të rëndë janë përmbysur në këtë segment duke sjellë edhe vështirësi në qarkullimin e automjeteve të tjera.

Shkak për aksidentin janë bërë kushtet e vështira klimaterike dhe lagështira e rrugës. Njëra nga kamionët e përmbysur kanë bërë që i gjithë malli që ndodhej në të, të dalë në rrugë.

Ndërkohë kompania koncensionare po bën pastrimin e rrugës. Fatmirësisht nga dy aksidentet në fjalë veç dëmeve materiale, nuk ka pasur të lënduar.