Dy djem do të na përfaqësojnë në Eurovizion

Festivali i 51-të i këngës në Radiotelevizionin Shqiptar është mbyllur mbrëmë me shpalljen e fituesit. Bledar Sejko dhe Adrian Lulgjuraj kanë fituar çmimin e parë të festivalit, duke marrë kështu automatikisht të drejtën për të përfaqësuar Shqipërinë në Eurovizion.

Kënga me titullin “Identitet” është zgjedhur nga juria si më e mira. Në vend të dytë është renditur këngëtarja Anjeza Shahini me këngën e saj “Love” dhe në vend të tretë Hersi Matmuja me këngën” Kush ta dha këtë emër”.