Dy fëmijë dyshohet se janë infektuar me AIDS gjatë kryerjes së operacioneve në spitalet e QST-së në Tiranë. Katër raste fëmijësh me virusin HIV i janë shtuar sivjet numrit të të prekurve.
Dy prej tyre rezultojnë me prindër që kanë dalë negativë në testin e AIDS, çka ka bërë që familjet e tyre të kërkojnë për mënyra të tjera të marrjes së virusit.
Dy fëmijët e infektuar u janë nënshtruar ndërhyrjeve kirurgjikale njëri në spitalin pediatrik, ndërsa tjetri në Spitalin Ushtarak.
Nuk dihet nëse këto dy raste janë të vetmit që e kanë marrë virusin vdekjeprurës në këtë mënyrë.