Një shqiptar ka mbetur i plagosur rëndë mbrëmjen e së shtunës në Athinë të Greqisë.
Sipas mediave greke, ngjarja ndodhi në Acharnes, ndërkohë që shqiptari, identiteti i të cilit nuk dihet, po ecte në trotuar.
Dy persona të pa identifikuar të cilët lëviznin me makinë u afruan dhe e qëlluan me armë me silenciator.
Ai mësohet se ka marrë dy plagë në kraharor dhe është dërguar me urgjencën në spital.
Policia shkoi menjëherë në vendin e ngjarjes.
Momentalisht, mediat greke nuk japin detaje të tjera rreth këtij atentati.