Klosi: Certifikata nuk e bën as më të mirë dhe as më të ndershëm kreun e SHISH

Zoti Klosi, mbledhja e Komisionit Parlamentar të Sigurisë është ndërprerë për shkak se, sipas deputetëve, kreu i SHISH nuk ishte i pajisur me “certifikatë sigurie”. Si ish-drejtues i këtij institucioni, si e gjykoni faktin që drejtuesi i shërbimit mund të jetë me certifikatë sigurie të skaduar?

Kohë të reja, zanate të reja. Me sa di unë, në ligjin për sekretin janë përcaktuar një sërë funksionesh të rëndësishme të shtetit, që nuk e kanë të nevojshme marrjen e një certifikate të tillë. Më duket e paarsyeshme që një Drejtor i Shërbimit ta ketë të nevojshme certifikatën. Kush do t’ia jepte atë certifikatë pa pyetur më parë në Shërbim? Është një rast tipik ku kërkesat e ligjit janë thjeshtë formale. Unë nuk kam patur ndonjëherë një certifikatë të tillë.

Mungesa e kësaj certifikate që në fakt e ka pasur deri para dy javëve është një mangësi proceduriale apo mangësi thelbësore?

Është një formalizëm i çuar në ekstrem, që praktikisht zhvlerësoi seriozitetin e qëllimit për të cilin ishte mbledhur Komisioni. Për çfarë sekretesh do të flitej në atë seancë, që duhej certifikata? Drejtori i Shërbimit di ato që di, me apo pa certifikatë, dhe duhet t’i thotë në Komision. Certifikata që ai do të marrë nesër, nuk e bën as më të ndershëm dhe as më të përgjegjshëm në raport me detyrën. Ai duhet kontrolluar me se merret dhe si i kryen detyrat Shërbimi dhe kjo s’ka të bëjë me faktin se ka apo nuk ka certifikatë.

Si merret certifikata e sigurisë, kush e lëshon atë dhe përse shërben?

Problemi është fare formal, një Zyrë , kudoqoftë, nuk besoj, se me certifikatën e saj, do t’i shtojë diçka sigurisë së kuadrove më të larta të shtetit. Këto procedura duhen bërë para se të emërohet një kuadër i lartë dhe është pa kuptim t’i thuash dikujt se është emëruar Ministër dhe pastaj t’i kërkosh një certifikatë nga një Zyrë.

Nga informacionet që morëm në Komisionin e Sigurisë rezulton se aty ka dhe deputetë pa certifikatë sigurie, si shpjegohet kjo dhe a nuk është kriter pajisja me këtë certifikatë dhe më pas bërja anëtar në komision?

Njëlloj është dhe për deputetët. T’i lësh të bëhen deputetë dhe pastaj t’i kërkosh që të marrin certifikatën më duket absurde. Po nëse certifikatën nuk ja japin, ç’do bëhet me atë deputet, do të konsiderohet i kategorisë së dytë, që nuk mund të dijë ca gjëra që i dinë të tjerët, do t’i thuhet zgjedhësve : “na falni, por deputeti i juaj është disi ndryshe?

Nga informacioni që ju keni, si është duke bashkëpunuar SHISH me qeverinë e re?

Këtë prisnim të dëgjonim nga e seanca e dështuar e Komisionit.

* * *

Visho Ajazi shkon në Komisionin e Sigurisë pa “certifikatë sigurie”

Raportimi i kreut të Shërbimit Informativ Shtetëror, Visho Ajazi, në Komisionin e Sigurisë është shoqëruar me surpriza pasi numri 1 i shërbimit sekret nuk ka qenë i pajisur me certifikatën e sigurisë, dokument i cili është i detyrueshëm për personat që punojnë me informacion të klasifikuar. Në një kohë që shumica e deputetëve në Komisionin Parlamentar kanë qenë të pajisur me këtë dokument, ka rezultuar që shefit të shërbimeve sekrete i ka skaduar më parë certifikata e sigurisë. Për mungesë të këtij dokumentacioni edhe pse Visho Ajazi është personi që do t’u përcillte informacion të klasifikuar deputetëve të komisionit raportimi i tij është shtyrë për momentin kur do t’i rinovohet certifikata e sigurisë. Anulimi i mbledhjes është shoqëruar edhe me akuza mes opozitës dhe mazhorancës. Kryetari i Komisionit, Spartak Braho, bëri të ditur se deputetёt qё nuk kishin certifikatё sigurie u nxorёn jashtё, por doli se vetё kryetari i shёrbimit prej disa kohёsh nuk ka certifikatё sigurie dhe punon pa certifikatё sigurie. “Mbledhja do tё bёhet kur tё gjithё tё jenё nё rregull me ligjin,” tha Braho.

Përplasja e palëve

Reagimi i opozitës erdhi nga Flamur Noka, i cili tha se kjo ishte njё pёrpjekje e deputetёve tё shumicёs socialiste pёr t’iu shmangur informacioneve qё solli kryetari i shёrbimit sekret. “Ishte njё shtyrje qesharake dhe njё akt i turpshёm i deputetёve socialistё pёr tё mos dёgjuar raportin e Shёrbimit” tha Noka. Njё tjetёr anёtar i Komisionit tё Sigurisё, deputeti i Partisë Socialiste, Piro Lutaj, tha se kryetari i SHISH kishte njё certifikatё, qё tashmё i ka skaduar afati. Ai shtoi qё derisa bёhet fjalё pёr njё person me dyshtetёsi, procedurat e marrjes së certifikatës së parë nuk janë zbatuar plotësisht. Pas raportit vjetor, Ajazi Lika pritet tё japё informacione lidhur me bashkëpunimin e Shёrbimit Informativ dhe Ministrisё sё Brendshme pёr disa çështje tё ngritura nga Partia Demokratike si dhe nga media mbi emёrimet nё SHISH, dhe mbi njё shkresё sekrete, ku kërkohet informacion mbi persona tё implikuar nё veprimtari antiligjore, tё emëruar nё poste drejtuese nё Policinё e Shtetit.  Ardhja e kryetarit tё shёrbimit sekret nё komisionin parlamentar tё sigurisё u prit me mjaft interes. Media publikoi njё shkresё tё shёrbimit sekret, qё i kёrkon agjentёve tё mbledhin tё dhёna pёr lidhjet me botёn e krimit tё drejtuesve tё rinj tё policisё. Njё gjё tё ngjashme ka shprehur edhe Partia Demokratike e opozitёs. Shumica socialiste dhe ministria e brendshme kanё deklaruar se SHISH nuk po bashkёpunon me informacione pёr tё parandaluar kriminalitetin nё rritje.

Çfarë është certifikata e sigurisë

Certifikata e sigurisë është një dokument që lëshohet nga Drejtoria e Sigurimit tw Informacionit të Klasifikuar, drejtori e cila me ndryshimet ligjore të vitit 2012 është në varësi të Kryeministrit. Ky dokument është i detyrueshëm për personat që punojnë me informacion të klasifikuar.