Dy shqiptarë janë arrestuar nga policia italiane në Lecce, pasi janë autorë të disa vjedhjeve në zonë. Sipas policisë italiane vjedhja më e freskët e tyre është në një pikë bastesh. Të arrestuarit janë 29-vjeçari Emiliano Shametaj dhe kushëriri i tij, Erjon Shametaj, 28 vjeç.
Policia zbuloi në banesat e tyre “mjetet e punës” si: hapëse, gërshërë të mëdha, kaçavida, sëpatë dhe mjete të tjera të nevojshme për vjedhje.
Këto mjete qëndronin të fshehura në një dollap në dhomën e gjumit të mbështjella me një rrobë. Dy shqiptarë janë identifikuar, pasi në vjedhjen e fundit ata janë kapur nga kamerat e sigurisë dhe nuk e kishin fytyrën të mbuluar.