Një ditë pasi Facebook pati një problem teknik dhe ra për pak kohë në mbarë botën, mijëra përdorues kanë nisur të shpërndajnë një paralajmërim që u ka ardhur, se duhet të paguajnë 5.99 dollarë nëse duan që llogaria e tyre të mbetet private.
Një rreng i ngjashëm u shfaq edhe në fillim të këtij viti, me pretendimin se Facebook ka në pronësi të drejtat për fotot, videot dhe përmbajtjen tjetër.
Por mos u shqetësoni, nëse u vjen ky mesazh, thjesht injorojeni ose fshijeni.
Zëdhënësi i Facebook, Andrew Noyes ka pranuar se sipas politikës së rrjetit social, ata kanë të drejtën për të shpërndarë gjërat që poston një përdorues.