Një vajzë 12 vjeçe në Pakistan u vra nga familja e saj, pasi u arratis me një djalë.
Zyrtari lokal në qarkun Khiber, Niaz Muhammad, tha se vajza me emrin Naghma ka lënë shtëpinë e saj në fshatin Kadej, më 23 qershor, përpara se të ndalohej nga zyrtarët e sigurisë.
Muhammad tha se Naghma i është dorëzuar familjes, e cila ka premtuar se ajo nuk do të dëmtohet, raporton rel.
Por, zyrtari tha se vajza është vrarë “për shkak të nderit, me gjasë më 27 qershor, nga familja e saj”.
Muhammad tha se vrasësit e dyshuar – në mesin e tyre xhaxhai i Naghmas dhe djali i tij – janë arrestuar.
Të ashtuquajturat vrasje për nder raportohen çdo vit në Pakistan.