Një aksident ka ndodhur këtë të mërkurë në aksin rrugor Pogradec-Qafë Thanë dhe për pasojë një 45-vjeçare ka gjetur vdekjen.
Policia ka deklaruar se një mjet tip “Volkswagen” ka aksidentuar shtetasen me Armanda Jaçellari, e cila sapo kishte zbritur nga furgoni i linjës Lin-Udënisht.
45-vjeçarja është dërguar me urgjencë në spitalin e Pogradecit, por nuk ka mundur t’u mbijetojë plagëve të marra.
Është bërë me dije se gruaja mbante për dore edhe vajzën e saj 5 vjeçe, kur u aksidentua. Fatmirësisht, fëmija ka shpëtuar pa lëndime.
Armanda Jaçellari mësohet se ka lënë jetimë tre fëmijë.
s.a/dita