E të tjera e të tjera

Vapa ende nuk ka ikur,
edhe pse ka ikur vera,
vapa na ka çoroditur,
e të tjera-e të tjera.
Politika vrull ka marrë,
po të keqes s’ju mbyll dera,
se ndonjë zhvillim s’ka ngjarë,
e të tjera-e të tjera.
Lëviz pultin ashtu kot,
Genti Cakaj si përhera,
flet e flet e asgjë s’thotë,
e të tjera-e të tjera.
Sot ODIHRI foli prore,
o moj opozitë-e mjera,
s’i quan antiligjore,
e të tjera-e të tjera.
Luli Basha i gëzuar,
kërkon që të marri vlera,
por ai është masakruar,
e të tjera-e té tjera.
Po ai është masakruar,
për veprime-jo idera,
për zgjedhjet që ka dhunuar,
e të tjera-e të tjera.
Në atë klimë terrori,
me shantazhe dhe hilera,
si do qe Tridhjetë Qershori,
e të tjera-e të tjera?!.
Votoi gjysmë e popullsisë,
aq kanë votuar ngahera,
jo shifrat e marrëzisë,
e të tjera-e të tjera.
Metën duhet ta shikoni,
timonier mbi timoniera,
po dje u mblodh komisioni,
e të tjera-e të tjera.
Komisioni i Kuvendit,
që shpon si gjembi dhe ferra,
kundër të parit të véndit,
e të tjera-e të tjera.
S’besoj për votim ta çojnë,
socialistët këtë hera,
se kanë frikë se mos dështojnë,
e té tjera-e të tjera.
Opozitë e LSI-së,
që hiç s’i janë gjetur vlera,
s’e heq Kreun e Partisë,
e të tjera-e të tjera.
Ata “tradhtinë” e vuajnë,
dhe pse ishin në deftera,
kockën Metës do t’ja ruajnë,
e të tjera-e të tjera.
Në ditën e shenjtërimit,
udhëheqësit si përhera,
i ngrejnë hymne humanizmit,
e të tjera-e të tjera.
Lulit nuk ja hamë dot hakun,
se kaloi gjithë vera,
dhe sot sërish me Kajmakun,
e të tjera-e të tjera.
E vërtetë dhe jo lodér,
që PD-ë u tret si era,
ka veç Voltanën në Shkodër,
e të tjera-e të tjera.
Duket e mobilizuar,
i ka fjalët fort të prera,
opozita e bashkuar,
e të tjera-e të tjera.
Po bëjnë gati strategjinë,
si t’i mundin këta derra,
PD-ja me LSI-në,
e të tjera-e të tjera.
Luli Basha me Monikén,
që drejtojnë dy kopera,
Edi Ramës ja kanë frikën,
e të tjera-e të tjera.
Nuk guxojnë për t’u ndeshur,
dhe pse rrugët jané të gjera,
pér té qarë e pér të qeshur,
e të tjera-e të tjera!.
A.DUKA

Tingëllon plot ëmbëlsi,
tani që erdhi pranvera:
“Reforma në drejtësi”,
e të tjera-e të tjera.
Tri variante kemi plot,
që të tria kanë vlera,
po s’i miratojnë dot,
e të tjera-e të tjera.
Venecia u okupua,
që të pastronte ca ferra,
dhe Venecia u bllokua,
e të tjera-e të tjera.
PD-ja si pilivesat,
po përdridhet si ngahera,
po s’na thotë ku janë pengesat,
e të tjera-e të tjera.
Reformës ju qepëm kot,
se shteruar s’kish miniera,
se ne kemi ligje plot,
e të tjera-e të tjera.
Ulërasin si këllira,
bosa-dosa edhe derra,
t’i bëjnë ligjet më të mira,
e të tjera-e të tjera.
Po tek ne nuk mungon ligji,
kot po hidhen kaq idera,
mungon peshorja dhe zigji,
e të tjera-e të tjera.
Ne gjithmonë e themi hapur,
cila kërmë po bën hilera,
kush sistemin e ka kapur,
e të tjera-e të tjera.
Ajo është PD e Salës,
që ne e nxorëm nga dera,
që rrëshqet si punë e ngjalës,
e të tjera-e të tjera.
Ajo emëron taborin,
kontrollon sot e përhera,
ka frikë mos humbasë kontrollin,
e të tjera-e të tjera.
Rama s’do thelbin e gjësë,
si ç’thonë ca gojë të mjera,
do t’ia heq atë PD-së,
e të tjera-e të tjera.
Nuk kërkon t’i ketë për vete,
emërimet më me vlera,
po PD shpik marifete,
e të tjera-e të tjera.
Drejtësia është kthyer,
në çomangë nga këta derra,
Nishani e ka mbërthyer,
e të tjera-e të tjera.
Deri më sot ka shërbyer,
si mburojë për shumë halera,
PD-ja e mban mbërthyer,
e të tjera-e të tjera.
E majta nuk ka probleme,
nuk ka mbetur nëpër ferra,
po Luli bën thashetheme,
e të tjera-e të tjera.
Fletë e akuzës-të parit,
do t’i vejë me postë te dera,
gjakatarit të Janarit,
e të tjera-e të tjera.
Por jo me këta gjykatës,
që PD i ka skiftera,
ndaj s’prish sistemin përkatës,
e të tjera-e të tjera.
Kuptohet se kush pengon,
një reformë me goxha vlera,
si gomar kush reziston,
e të tjera e të tjera.
E dimë se kush hedh tym,
kush hedh fjalë krejt të dhjera,
po Rama është legjitim,
e të tjera-e të tjera.
I rri larg asaj muzike,
që kërkon të tjera ngera,
ndaj s’ka qeveri teknike,
e të tjera-e të tjera.
Ky mandat nuk diskutohet,
do të mbyllet mot nga vera,
por Rama do kritikohet,
e të tjera-e të tjera.
Pse s’përmbysi drejtësinë,
si na thoshte ato hera,
pse s’futi në burg Salinë,
e të tjera-e të tjera.
Me reformë-pa reformë,
burgut do t’i hapet dera,
se ligjet nuk janë për formë,
e të tjera-e tjera.
Të majtët në tru ta ngulin,
tash që zgjedhjet janë tek dera,
po s’kapën Salën dhe Lulin,
s’u vlejnë gjë punët e tjera!
A.Duka