Që sot, Tuiterit i shtohet një përdorues i ri. Dhe jo një njeri i zakonshëm, por Papa Benedikti XVI. Ka zgjedhur emrin @pontifex, një llogari që hapet sot, por “cicërima” e parë e papës Ratzinger do të vijë në gjysmë të muajit.
Në nëntor, Benedikti XVI, gjatë takimit për Ditën Botërore të Rinisë, u kërkoi të rinjve të ungjillëzonin rrjetin, duke ua besuar atyre këtë mision të rëndësishëm.
Vitet e fundit, Vatikani ka hapur disa llogari në rrjetet sociale, por kësaj radhe është vetë Papa, që i shtohet komunitetit të përdoruesve.
Në prezantimin e Ditës Botërore të Rinisë, Benedikti XVI u shpreh: Shpallja e Ungjillit është e destinuar për të gjithë aspektet e jetës sonë, pa asnjë kufizim”, duke mos përjashtuar këtu edhe internetin.
Nuk dihet nëse Benedikti XVI, i lindur në vitin 1927, do të ambientohet shpejt me botën e Tuiterit, por kurioziteti dhe interesi i tij në këtë fushë është pa diskutim diçka që duhet vlerësuar.
Sigurisht që postimet e papës nuk do të jenë vetëm vargje nga Ungjilli, por edhe pjesë të përmbledhura të fjalimeve të tij.
Dhe ndjekësit do të jenë jo pak.
Ka pare Salen qe hapi FB 😛