Presidenti Vladimir Putin i ka dhënë mundësinë aktorit francez Zherar Depardie për të marrë shtetësinë ruse. Lajmi bëhet i ditur nga një deklaratë zyrtare e lëshuar nga Kremlini.
Depardie, një ndër më të pasurit në Francë, tha pak javë më parë se do të hiqte dorë nga nënshtetësia franceze, për shkak të taksave të larta që shteti pritej t’u vendoste të pasurve.
Ai iu drejtua Gjykatës së Apelit, e cila e hodhi poshtë propozimin e presidentit Fransua Holland për supetaksën e të pasurve. Por Depardie deklaroi më 30 dhjetor se kjo nuk i ndryshonte asgjë vendimit të tij për të jetuar jashtë Francës.
Taksa për të pasurit, e propozuar nga presidenti francez si një ndër masat antikrizë, parashikon tatimin në masën 75 për qind të fitimeve mbi një milion euro.
Është një palo lajm. I ikën atdheut për ca para, edhe pse shumë, edhe pse të fituara në pjesën më të madhe ndoshta, nga bashkëpatriotët t tij që e kanë dashur aq shumë. Është palo lajm dhe jam kurioze të di si do të reagojë Çelentano, që e bëri pjesë të një shfaqeje të tij, ku fjala e parë e saj ishin problemet shoqërore të shumicës së qytetarëve në të gjithë botën, edhe në Rusinë ku ai kërkon të shpëtojë paratë e tij, por ku do të humbë Emrin që e ka narrë në Francën! Shumë shumë keq. Kjo është shoqëria ku po jetojmë e e ne shqiptarët po duam të jemi pjesë e saj.