Batuta e Ramës, të qeshura pa fund në takimin me socialistët korçarë
Gjatë një takimi me socialistët e Korçës, Edi Rama ka bërë një batutë që ka mbushur sallën me të qeshura për disa minuta. Në blogun e tij, kryesocialisti Rama poston sot videon ku shfaqet duke folur para socialistëve korçarë, duke iu drejtuar Pandeli Majkos si “brez i vjetër” për shkak të flokëve të thinjura. “Ata të vjetrit, gjenerata e Pandit, ata të rinjtë, gjenerata ime dhe e Nikos (Niko Peleshi)….”, thotë Rama, ndërsa nuk mundet të vazhdojë më tej pasi në sallë plasin të qeshurat. Mes të pranishmëve bie në sy e qeshura e vetë Majkos dhe Bashkim Finos, që shoqëronin Ramën në Korçë.