Edmond Boci, i arrestuar pas operacionit të një viti më parë në Lazarat, tentoi vetëvrasjen në burgun e Tepelenës.
Nga të dhënat e para mësohet se Boci është transportuar me urgjencë drejt spitalit rajonal në gjendje të rënduar shëndetësore.
Boci u arrestua nga policia pas operacionit të ndërmarrë në Lazarat kundër kultivimit të bimëve narkotike, ku edhe në atë kohë u qëllua me armë zjarri ndaj policisë.
Gjithashtu emri i Bocit u përfshi edhe në listën e të kërkuarve nga policia pas sulmit më të fundit me armë zjarri ndaj forcave RENEA, megjithëse ai gjendej në burg.