“Eduard Selami më futi në rrugën e politikës”

Paskal Milo në një intervistë për “Pasdite në Top Channel” ka folur rreth jetës së tij personale, e kryesisht asaj profesionale.

Ai është shprehur se emërimi si gazetar në “Zërin e Popullit” ishte arsyeja se përse u distancua nga pasioni i tij më i madh i rinisë, futbolli.

“Pasioni im mori fund, pasi punoja deri në 2 të natës. Më është dashur të varja këpucët në gozhdë.”

I pyetur rreth punës së tij në gazetë, ai është shprehur se ishte pikërisht njolla në biografi që e kishte larguar nga vendi i punës, por që për të gjithsesi ngelet një shkollë e vërtetë.

“Gazetaria ishte një tip tjetër. Por gjithsecili shfaqte personalitetin e vetë mes shkrimeve. Por kishe një kornizë dhe nëse dilje jashtë saj, as që mund të botohej,” është shprehur ai rreth pyetjes sesi ishte të bëje gazetari në kohën e tij.

Edhe për faktin sesi u gjend si pjesë e politikës, ai u përgjigj se Eduard Selami kishte qenë ai që i kishte kërkuar të bëhej pjesë e PD-së.

Ndarjen me Skënder Gjinushin, ai e komentoi kështu:

“Me Skënderin kemi pasur një bashkëpunim shumë të mirë ndër vite. Por unë kuptoj që pushteti të miklon dhe një politikan duhet të ruhet. Partia erdhi duke u rrudhur, pasi humbi demokracia e brendshme, e cila është kaq e rëndësishme për mbarëvajtjen e partisë. Duke qenë intelektualë, vendosëm që të ndaheshim në kuptimin organizativ. Tashmë jemi kolegë, takohemi, bisedojmë dhe ndajmë edhe mendime me njëri-tjetrin.”

s.a/dita