Një gjykatë egjiptiane ka lënë në fuqi dënimin me vdekje për 21 tifozë futbolli për trazirat që shkaktuan një vit më parë në fund të takimit midis Al Masri dhe Al Ahli të Kajros. Gjyqtari lexoi emrat e 21 tifozëve, duke konfirmuar “dënimin me vdekje nëpërmjet varjes”. Në trazirat e vitit 2012, tifozët u shtypën për vdekje ndërsa mundoheshin të largoheshin nga stadiumi pas pushtimit të fushës nga tifozët e Al Masri, ndërsa shumë të tjerë u hodhën apo u shtynë nga shkallët e stadiumit.