Egjipti ka hapur sot vendkalimin kufitar Rafah për të lejuar kalimin e trupit të pajetë të palestinezit të vrarë nga ushtria egjiptiane, bëri të ditur një burim doganor palestinez.
Televizioni Al-Jazeera të premten transmetoi një video e cila tregonte një njeri krejtësisht të zhveshur palestinez duke u qëlluar disa herë për vdekje nga ana e ushtrisë egjiptiane, teksa ai tentonte të kalojë nga Gaza në Egjipt përmes kufirit detar Rafah, trasnmeton AA.
Videoja gjithashtu tregoi një personel palestinez të sigurisë duke u kërkuar forcave egjiptiane të mos qëllojnë dhe duke i sinjalizuar se njeriu në fjalë vuan nga një sëmundje mendore.
Viktima është identifikuar si Ishak Hassan, 28 vjeç.