Berni Ekleston vihet nën shënjestrën e organeve të sistemit fiskal britanik dhe nuk bëhet fjalë për gjëra të vogla.
Padroni i Formula 1 nuk ka paguar shifrën astronomike të plot 1.6 miliardë dollarëve që i detyrohej sistemit fiskal në Mbretërinë e Bashkuar.
Hetimi në lidhje me këtë çështje ka nisur pasi Ekleston kishte arritur akordin me Gjykatën e Mynihut për të paguar 100 milionë euro në mënyrë që të arkivohej një herë e mirë procesi ndaj tij ku akuzohej për korrupsion.
Pas mbylljes së asaj çështjeje hetimet kanë vijuar në një tjetër drejtim, duke u fokusuar te një kompani e familjes së tij që mban emrin “Bambino” me seli në Lihtenshtejn.
Gjatë kontrollit të saj autoritetet kanë gërmuar në aktivitetin e bosit 84-vjeçar të Formula 1 duke zbuluar një evazion fiskal në shifrën e pabesueshme të 1.6 miliardë dollarëve.