Ministrja e Zhvillimit Ekonomik, Turizmit, Tregtisë dhe sipërmarrjes, Znj. Milva Ekonomi, mori pjesë në “Forumin Mbarëkombëtar Ekonomik i Diasporës Shqiptare” në New York. Në fjalën e saj, Ministrja theksoi rëndësinë që marrin investimet në vendlindje të biznesmenëve të suksesshëm shqiptarë që jetojnë dhe punojnë në Amerikë.
Qeveria shqiptare, theksoi Ministrja, ka ndërmarrë një sërë reformash, të cilat mundësojnë klimën e nevojshme për të investuar në Shqipëri. Ministrja Ekonomi e ilustroi këtë me investimet amerikane që operojnë në Shqipëri, kur tha se:
“ Bizneset amerikane që operojnë në Shqipëri janë rreth 167 pra një numër i konsiderueshëm. Ne kemi investime të huaja direkte 884 milion Euro vitin që kaloi. Nga këto, investimet amerikane zënë 2 %. Por, po të shikojmë vitin 2013 të krahasuar me 2015, investimet amerikane janë rritur 2.6 herë, çka tregon se afërsia që ne kemi, duke e vendosur në një këndvështrim tjetër që është më shumë moral dhe politik, ka të bëjë me faktin se shqiptarët dhe diaspora në Amerikë ndihen të afërt. Ndërsa, qeveria amerikane ndihet si një mentor i rëndësishëm për Shqipërinë. Kjo sepse Shqipëria gjithmonë ka besuar që Amerikën e ka në krah, në momentin kur lufton për demokratizimin e jetës së vendit dhe paqen e Ballkanit”, u shpreh Ekonomi.
Gjatë qëndrimit në New York, Ministrja Ekonomi, sëbashku me ambasadoren e Shqipërisë në SHBA, Znj. Floreta Faber, shkëmbyen ide gjatë takimit me Albanian Professionals and Entrepreneurs Network. U diskutua për situatën aktuale ekonomike, për samtin e diasporës dhe mundësitë ku mund të kontribuojnë sipërmarrësit, profesionistët me origjinë shqiptare.
Vëmendja u përqendrua tek sektorët strategjikë si turizmi, energjia, transporti, sektori i shërbimeve financiare, bujqësia dhe agropërpunimi. Bashkëbisedimi vijoi edhe për një promovim periodik të Shqipërisë në këtë rrjet, sepse stabiliteti i arritur ekonomik dhe juridik rrit shanset për të tërhequr investitorë të diasporës në Shqipëri.
Kush eshte ai i huaj qe vjen te investoje ne Shqiperi ku gelon krimi, pasiguria, problemet e pazgjidhura me pronat e pronaret e nje qeveri e super korruptuar kus ektoret me te rendesishem drejtohen nga njerez te paafte e pa eksperience. Ata qe ishin po ia mbathin nga syte kembet pasi e pane se gjerat po shkojne keq e me keq.
Zonje e nderuar dhe e lavderuar!
Une qe po shkruaj jetoj ne Amerike, dhe vendin nga vij e shoh dhe e imagjinoj perdite! Endrra eshte qe ne token time te kem nje shtepi qe kur te kthehem me femijet e mi ti njoh me vendin e te pareve!
Toka ime eshte bujqesore, ne nje vend te humb, pa drita e pa uje, ku shumica e banoreve e kane braktisur ! Rruga qe kalonte ne token time aktualisht eshte e bllokuar nga disa familje, perfshi kryeplakun e fshatit!
Kam vendim gjyqi per kthimin e tokes por megjithese ka mbi dy vjet qe kerkoj certifikaten e pronesise, nuk ma japin!
Kam be pak investim dhe jam shume i penduar! Stresi qe po me shkaktoni nuk ja vlen aspak, sepse ne vend qe te perqendrohem ketu ku jam, ju po Na shkaterroni!
Jam i sigurte, sikur te njejten prone qe kam, ne nje vend te humbur ta kerkoj me te njejtat kushte ne Serbi apo Greqi, do ma jepnin me gjithe zemer!
Zonje shume e perndershme, mos u tallni me njeri! Te investosh ne Shqiperi duhet te jesh o Mafioz o Politikan, pavaresisht se personalisht nuk e bej dallimin!
Mjaft zonje e perndershme, mjaft
Si nuk te erdhi turp qe shkove e fole ne ate forum kur para disa ditesh e rrahet dhe perzute Amerikano-Libanezin.