Ekspertët e ushqimit japin alarmin se ngjyruesit ushqimor në sasi të mëdha te pijet apo ushqimet kthehen në toksike për shëndetin e njeriut. Por akoma edhe më të rrezikshme bëhen në momentin që bashkohen me pijet alkolike. Efektet janë të shumta dhe të menjëhershme që nga dhimja e kokës deri te helmimi.
Mjekët shumë herë akuzojnë ngjyruesit ushqimorë si shkaktarë të sëmundjeve të ndryshme si hiperaktiviteti tek fëmijët e deri tek kanceri. Ngjyruesit ushqimorë në dekadat e fundit përdoren gjerësisht nga industria ushqimore, sot do t’ju tregojmë se si të dalloni ngjyruesin ushqimorë në një pije jo alkoolike.
Top Channel realizoi një eksperiment shumë të thjeshtë me një pije që ka në përbërje lëng portokalli. Disa fasoleta që i futëm në gotën me lëng portokalli dhe shohim që ngjyra e pijes tashmë është zbehur.
“Pija që ju keni zgjedhur, në të është përdorur ngjyruesi adetiv. Ngjyruesit që përdoren në këto lloj pijesh janë të lejuar. Por ajo që unë dua të theksoj është a përdoret sasi e substancave ngjyruese sipas normave të përcaktuar nga BE. Ky pastaj është problem për t’u diskutuar”, sqaron Kaplan Sulaj, ekspert ushqimi.
Por çfarë ndodh nëse abuzohet me sasinë?
“Doza e marrjes ditore është më e madhe se një vlerë e përcaktuar në bazë të studimeve toksikologjike , atëherë organizmi i njeriut futet në veprimin e toksik të substancës ngjyruese”, përgjigjet Kaplan Sulaj.
Ndërsa një nga pijet alkoolike e cila është e mbushur me ngjyrues është koktejli. Baristi mund t’ju përgatisë brenda pak sekondave një gotë të mbushur me ylber ngjyrash, por pa njohur reaksionin kimik të këtyre substancave.
“Koktejli shpesh herë nuk ka ndonjë recetë të caktuar kur përgatitet. Gjithsesi rreziku i ngjyrave dhe i kombinimit të ngjyrave kur përzihen pijet alkoolike me ato jo alkoolike rreziku është më i madh. Sepse Nëse disa ngjyra kanë një teknologji të caktuar që përdoren në solucionet ujore në pijet e buta, ato nuk lejohen të përdoren në pijet alkoolike. Kjo sjell një rrezik të shtuar sepse mund të formohen substanca të tjera toksike të cilën mund ta ekspozojnë konsumatorin drejt veprimeve toksike”, sqaron mëtej eksperti Sulaj.
M.H/ Dita