Një shpërthim ka ndodhur në veri të Mitrovicës pas mesnatës së të martës. Mësohet se persona të paidentifikuar kanë hedhur eksploziv në oborrin e shtëpisë së rreshterit të policisë së Kosovës, Xhavit Dervisheviç. Ngjarja ka ndodhur rreth orës 1:00 pas mesnate, ndërsa policia bën të ditur se nuk ka të lënduar në njerëz. Mediat kosovarë bëjnë të ditur se rreshteri Dervisheviç është shef i hetimeve në kuadër të stacionit policor në veri të Mitrovicës.