Ekstradohet nga Londra, Gentian Doda, 41 vjeçari i cili i pagoi me anë të sekserëve 30.000 euro ish-gjyqtarit Shkëlqim Miri për ta liruar.
Arrestimi i 41-vjeçarit, lindur në Tiranë, u bë në kryeqytetin britanik më datë 6 Maj 2019 falë bashkëpunimit mes Interpol Tirana dhe Interpol Manchester
Gentian Doda ishte shpallur në kërkim ndërkombëtar pasi Gjykata e Shkallës së Parë për Krimet e Rënda Tiranë me vendimin penal nr. 416, datë 10.11.2017, ka vendosur masën e sigurisë “Arrest në burg” për veprën penale “Korrupsioni aktiv i gjyqtarit, prokurorit dhe funksionarëve të drejtësisë” .
Gjithashtu, Gjykata e Apelit Tiranë, me vendimin penal nr. 1249, datë 09.11.2017 ka vendosur masën e sigurisë “Arrest në burg” për veprën penale të “Futja ose mbajtja e sendeve të ndaluara në institucionin e ekzekutimit të vendimeve me burgim”.
Përmbledhje e ngjarjes së ndodhur:
Shtetasi Gentian Doda në bashkëpunim me shtetas të tjerë i ka dhënë një shumë prej 30.000 eurosh gjyqtarit të Gjykatës së Apelit Tiranë, Shkëlqim Miri, me qëllim lehtësimin e pozitave të tij dhe lirimin nga burgu për të ndryshuar vendimin e Gjykatës së Rrethit Gjyqësor Mat, e cila me vendimin penal nr. 41, datë 26.01.2001 e kishte dënuar këtë shtetas me 20 vjet burgim për veprat penale “Vrasje me paramendim” dhe “Mbajtja pa leje e armëve, armëve shpërthyese dhe e municionit”.
Gjykata e Apelit Tiranë me vendimin penal nr. 896, datë 07.06.2017 ka vendosur lënien në fuqi të vendimin penal nr. 94, datë 20.09.2016 të Gjykatës së Rrethit Gjyqësor Mat, duke favorizuar pozitën e shtetasit Gentian Doda dhe lirimin e tij nga burgu.
b.b/dita
Doda dhe Miri jane maloke dhe si të tille degjenerata,hajdutë,vrasës dhe
korruptuar. Po të kishte Germania kaq sa ka shqiperia,do kishte
falimentuar me kohë.
Gjykatesi ne burg per ate cfare ka bere kunder ligjit duke perfituar ryshfete. O shkerdhat gjykates, ne burg….
Mjaft me idjotesira , se nuk e c`virgjeroi Gentiani gjyqtarin Shkelqim Miri ! Shkelqimi eshte nje gjyqtar i korruptuar deri ne palce dhe po beheni qesharake , kur e trajtoni kapjen e tij me presh ne dore , si nje veprim rastesor dhe diletant ne hajni ! . Fakti qe ai gjykohet e deklarohet fajtor vetem per keto 30000 euro . Jane pislleqe qe te neveritin . Pse nuk i behet hetim i plote ketyre monstrave kriminale , qe te behet model , per te rrenqethur kedo qe do te guxonte te vepronte si ky , por denohet ne menyre qesharake , si te kishte vjedhur nje shporte me rrush ?!
Po u vazhdua keshtu , njerezit do te zhgenjehen thelle nga e shumedeshiruara reforme ne drejtesi dhe , do te humbasin besimin , jo vetem ne drejtesine shqiptare , por edhe me ate euro – amerikane !