Ishte dënuar me 15 vjet burg për vrasje të mbetur në tentativë, ekstradohet nga Gjermania. Interpol Tirana ka ekstraduar nga Frankfurti një shtetas shqiptar të shpallur në kërkim ndërkombëtar, 30-vjeçarin Sahit Çelaj, banues në Lapardha të Vlorës.
Gjykata e Rrethit Gjyqësor Vlorë, me vendimin Nr. 403, datë 29.10.2010, e ka dënuar shtetasin Sihat Çelaj me 15 vjet burg, për kryerjen e veprës penale të “Vrasjes në rrethana te cilësuara të mbetur në tentativë”.
Çelaj është arrestuar nga autoritetet policore gjermane të Ëiesbadenit dhe në prani të agjentëve gjermanë i është dorëzuar përfaqësuesve të Drejtorisë së Përgjithshme të Burgjeve.
30-vjeçari kishte pasur një konflikt në gusht 2009 me disa shtetas, ndaj të cilëve ka qëlluar me armë zjarri. Pas një viti, Gjykata e Vlorës e dënoi 15 vjet burg në mungesë.