Rizgjedhja e Viktor Orban për një tjetër mandat në krye të Hungarisë është pritur me entuzizëm nga ekstremistët e djathtë në vendet e Bashkimit Europian.
Zv.kryetarja e grupit parlamentar të ekstremistëve të djathtë të AfD-së në Gjermani e uroi përmes një postimi në rrjetet sociale.
“Urime Viktor Orban! Një ditë e keqe për Bashkimin Europian, një ditë e mirë për Europën!”, shkruan Beatrix von Storch.
Po rrjetet sociale zgjodhi edhe bashkëkryetari i AfD-së, Jorg Meuthen.
“Viktor Orban mbron politikat që kanë në qendër njerëzit e tij, hungarezët. Ai e tha qartësisht se do të vazhdojë me këto politika dhe pikërisht për këtë u rizgjodh”, shkruan ai.
Në Francë, Viktor Orban u urua nga Marine Le Pen e Frontit Kombëtar.
“Një fitore e madhe e Viktor Orbanit në Hungari; një goditje për politikat e BE-së të emigrimit masiv, që edhe njëherë tjetër u rrëzuan. Nacionalistët mund të marrin shumicën në zgjedhjet e ardhshme për Parlamentin Europian në 2019”, shkruan Marine Le Pen në Twitter.
Geert Wilders në Holandë e cilësoi gjithashtu fitoren e Orban një “rezultat mahnitës” dhe një “fitore të merituar”.
Edhe në Poloni, qeveria e të cilës ndodhet në qendër të kritikave nga Brukseli për disa ligje, përfshirë këtu edhe reformën në gjyqësor, fitorja e Orban u prit me entuziazëm.
“Është një konfirmim i politikave të duhura të vendeve të Europës Qendrore”, deklaroi zv.ministri i Jashtëm polak, Konrad Szymanski.
a.s/dita
Orban fiton sepse nuk merret me te kaluaren ,eshte konkret ,pragmatik ,miq me te gjithe dhe me asnje ,mjafton qe te terheqe investime .Merr para nga BE ,ata e kritikojne ,por japin para sepse tremben mos Orban perfundon me ruset ,merr para nga kinezet ,arabet ,ruset ,kushdo qe mundet .Dhe ben mire ..Mendimi im i perseritur eshte ,edhe ne duhet te kopjojme hungarezet ,greket ,serbet ,portugezet ,sllovenet ,…nuk marrin pjese ne debate te medha ,shfrytezojne kontradiktat ,momentet…marrin nga te mundin .Kjo eshte themelore ,investime ,industri ,vende pune …Te tjerat jane idiotizma .Pa kete politike nuk dilet kurre nga varferia .