Real Madridi mori një fitore të jashtëzakonshme në momentin më të keq të sezonit duke mposhtur rivalët e përjetshëm të Barcelonës me rezultatin 2-0 në “Santiago Bernabeu”.
Vinicius Xhunior dhe Mariano Diaz vulosën triumfin jetik të “Los Blancos” ndaj katalanasve.
Me këtë fitore, skuadra e Zinedin Zidan merr kreun e klasifikimit të kampionatit spanjoll.
Katalanasit dominuan totalisht pjesën e parë, por Lionel Mesi dhe Antuan Grizman nuk mundën të realizonin.
Gabimet e pjesës së parë, skuadra e Kike Setien i pagoi në pjesën e dytë.
Braziliani Vinicius Xhunior depërtoi nga krahu i djathtë dhe goditi topin, i cili përfundoi në rrjetë ndihmuar dhe nga devijimi i Zherard Pikesë në minutën e 71-ë.
Domenikani Mariano Diaz vulosi triumfin e Realit duke thyer krahun e majtë të mbrojtjes së Barcelonës.
FORMACIONET ZYRTARE:
REAL MADRID: Kurtua; Karvahal, Varan, Ramos, Marselo; Kasemiro, Valverde, Kros, Isko; Vinisius, Benzema. Trajner: Zinedin Zidan.
BARCELONA: Ter Shtegen; Semedo, Pike, Umtiti, Xhordi Alba; Artur, Buskets, De Jong; Vidal, Mesi Grizman. Trajner: Kike Setien.
d.a. / dita
Lajmi nuk ishte fitiorja e Realit, por fitorja e Realit me Cristianon ne tribune !