Një tërmet me magnitudë 3 ballë është ndjerë gjatë mesnatës së shtunë në qytetin e Elbasanit dhe në fshatrat përreth tij. Mësohet se epiqendra e tërmetit ka qenë rrethe 7 km në jugperëndim të qytetit të Elbasanit, në Papër. Tërmeti i parë është shoqëruar edhe nga dy lëkundje të tjera më të lehta. Si pasojë e lëkundjeve sizmike nuk ka njoftime për dëme materiale, kurse autoritetet vendore po monitorojnë situatën. Para pak kohësh një tërmet me magnitudë 5,2 ballë në zonën e Elbasanit shkaktoi dëme materiale në Cërrik dhe në Belsh.