Specialistët kundër Trafiqeve të Paligjshme në Policinë e Elbasanit kanë bërë të mundur arrestimin e një personi të dënuar për akuzën e shfrytëzimit të prostitucionit me të mitur.
Burime zyrtare bëjnë të ditur se kanë ndaluar 37 – vjeçarin Sokol Gula, banues në fshatin Pishkash të Librazhdit.
Gula u ndalua pasi rezulton i dënuar me 6 vjet e 11 muaj e 24 ditë burg nga Gjykata e Rrethit Gjyqësor Elbasan, për veprën penale penale “Shfrytëzim prostitucioni me të mitur, kryer në bashkëpunim”.