Policia e Elbasanit ka arrestuar rreth orës 23:30 të ditës së shtunë 22-vjeçarin Françesko Hamolli, i cili, pas një konflikti për motive të dobëta, ka hedhur në oborrin e shtetasit me iniciale A.B. një sasi lënde plasëse artizanale.
Fatmirësisht, nga shpërthimi janë dëmtuar vetëm xhamat e një prej dritareve të banesës.
Gjatë kontrollit të ushtruar nga efektivat e policisë në banesën e shtetasit Françesko Hamolli u gjetën dhe u sekuestruan në cilësinë e provës materiale 200 gramë nitrat amoni, dy copëza fitil zjarrpërcjellës me gjatësi prej 20cm, tre telefona celularë, rulotë natribani dhe copëza sfungjeri.