Edhe pse kanë kaluar më shumë se 24 orë nga grabitja e dyqanit të shkëmbimit të valutës në qytet, ende nuk ka një person të arrestuar nga policia. Dy persona të maskuar, të pajisur me një çekiç, pasi thyen xhamin e sigurisë, kanë hyrë brenda në pikën e këmbimit valutor. Ngjarja ndodhi rreth orës 20:00 të mbrëmjes së premte, në rrugën “Qemal Stafa”. Sipas policisë, agresorët ushtruan dhunë edhe ndaj punonjësit dhe morën paratë në arkë, duke u larguar në këmbë nëpërmjet një rrugice të errët.