Vendi përfundimtar për ndërtimin e landfillit të Elbasanit, do të jetë “Dampa” e ish-Metalurgjikut. Por një fakt i tillë ka shqetësuar banorët, të cilët shprehen se ndotjes nga tymrat kancerogjene të Metalurgjikut tashmë do t’i shtohet edhe ajo nga riciklimi i mbetjeve urbane të qytetit. Kreu i komunës së Bradasheshit, thotë se vendi më i përshtatshëm për ndërtimin e një landfilli rajonal do të ishte në “Dampën” e komunës së Papërit, sepse ka një afërsi me qytetin e Elbasanit, Cërrikut, Peqinit, etj.