Seksioni Kundër Narkotikëve arrestoi dje në flagrancë të kërkuarin Renato Shopi, 32 vjeç, banues në lagjen “Emin Matraxhiu” në Elbasan. Nga hetimet e kryera rezulton se i dyshuari është poseduesi i lëndës narkotike të llojit heroinë, e sekuestruar mbrëmjen e të mërkurës në qytetin e Korçës, gjatë operacionit të koduar “Fallxhorja”, ku udhëtonin gjashtë persona, të arrestuar, mes të cilëve edhe një femër, të gjithë nga Peqini dhe Elbasani. Nga hetimet rezultoi se ‘pakoja’ me 2,6 kg është nisur nga Shopi drejt Greqisë.