U ishte premtuar se monopoli mbi duhanin do të merrte fund dhe shteti do t’i mbështeste fermerët e kësaj zone për kultivimin e duhanit. Por, ditën e djeshme, fermerët e Dumresë protestuan pasi po i kalben mijëra tonë duhan. Shkak është përgjysmimi i çmimit nga kompania importuese. Nga 350-450 lekë për kilogramë, çmimi ka zbritur në më pak se 200 lekë. Fermerët thonë se ky çmim nuk u mbulon dot as kostot. Bashkia ka dalë në mbështetje të tyre dhe janë 45 mijë fermerë që kultivojnë duhan.