Mëse 73 objekte të ndërtuara pa leje përgjatë këtyre 20 viteve janë në listë për t’u prishur nga IKMT, në bashkëpunim me Inspektoriatin Urbanistik të Bashkisë Elbasan. Këtë javë aksioni është përqendruar në lagjen “5 Maji”, ku ka nisur ndërhyrja për prishjen e këtyre objekteve. Sipas Kryeinspektorit, Aurel Kaja, do të shemben 73 ndërtime pa leje, për t’i hapur vend planeve urbanistike dhe liruar zonat publike të zaptuara. Gjatë aksionit nuk janë shënuar incidente mes pronarëve të objekteve dhe policisë, ndërsa shembjet do vijojnë deri në fund të aksionit.