Seksioni Kundër Krimit Ekonomik e Financiar arrestoi mbrëmjen e së martës të dyshuarit Dhimitër Peqini, 48 vjeç, banues në lagjen “Sul Paprri”, agjent sigurimesh në kompaninë “INTERSIG” dhe Nebi Alcani, 50 vjeç, banues në lagjen “Shënkoll”, agjent në kompaninë “SIGMA”. Kurse nën hetim në gjendje të lirë janë qytetarët N. K., R. C., S. Z., dhe A. P. Të ndaluarit premtonin kundrejt ryshfetit certifikatat e kontrollit teknik të mjeteve në kundërshtim me ligjin.