Një 56-vjeçar ka mbetur i plagosur në një aksident të ndodhur mëngjesin e sotëm në aksin rrugor Elbasan-Cërrik. D.Shabani, 56 vjeç, është përplasur nga një automjet në momentin kur po kalonte nga njëra anë e rrugës në tjetrën.
Mësohet se automjeti me targa EL 7879 B drejtohej nga 46-vjeçari Shyqyri Kapurani, i cili është ndaluar nga policia. Ndërsa i plagosuri është dërguar në spitalin e Elbasanit, ku sipas mjekëve ndodhet jashtë rrezikut për jetën. Policia ka nisur hetimet për zbardhjen e shkaqeve të aksidentit.