Seksioni për Aktet Terroriste e Krimet e Rënda arrestoi dje në mëngjes 57-vjeçarin e kërkuar Astrit Cani, banues në Peqin. I dyshuari akuzohet se në lagjen “Çezme”, gjatë një konflikti për motive të dobëta ka tentuar të vrasë duke e goditur disa herë me sende të forta E. T., 17 vjeç, që mori plagë të rënda, por pa rrezik jete. Gjithashtu Antidroga ndaloi të dyshuarin Enea Prenja, 19 vjeç, banues në Librazhd, që u kap tek “Parku Rinia” Elbasan, me 20 doza hashashi për shitje. Nën akuzë u mor edhe i kërkuari L. B., 39 vjeç, pasi në fshatin Shushicë ka plagosur një bashkëfshatarin e tij.