Pavarësisht alarmit të dhënë për ndotjen alarmante që shkakton djegia e mbeturinave urbane në qytetin e Elbasanit, situata vazhdon të mbetet e njëjtë. Qytetarët zgjohen çdo mëngjes të mbuluar nga një re e dendur tymi dhe bloze. Askush nuk di se deri në ç’masë arrin ndotja, më pak apo më shumë se normat e BE. Qytetarët shprehen të tmerruar nga ajo që po jetojnë. Kulmi i ndotjes arrin në mbrëmje, deri në mëngjes. Megjithëse në matjet që Agjencia Rajonale e Mjedisit realizon, ndotja rezulton të jetë brenda normave të lejuara.