Policia vendore arrestoi dje si të dyshuar Besnik Xhyra, 32 vjeç, banues në lagjen “Emin Matraxhiu”. Ndaj tij ka depozituar kallëzim S. Q., banues në fshatin Shëngjin të këtij rrethi, i punësuar si roje pranë firmës “AKTOR” që ndërton rrugën Tiranë-Elbasan. Sipas deponimit, më 23 prill të këtij viti, në fshatin Kozan, komuna Bradashesh, Xhyra dyshohet të ketë vjedhur tre pistoleta me ajër për montimin e çmontimin e gomave, të cilat u sekuestruan me cilësinë e provës materiale dhe ndaj të dyshuarit u ngrit akuza e “vjedhjes”.