Rrafshimi i pyjeve për të kontrabanduar lëndë drusore ka çuar në pranga një person dhe 2 të tjerë janë nën akuzë në gjendje të lirë. Operacioni është koduar “Uraka” dhe u finalizua mesnatën e së hënës nga agjentët Kundër Krimit Ekonomik. Në pranga ra Bukurosh Koça, 46 vjeç, banues në fshatin Rrëmenj në Pogradec, kurse në gjendje të lirë po hetohen K. Sh., 45 vjeç, po nga Pogradeci dhe L. I., 36 vjeç, nga Elbasani. Të dyshuarit u kapën duke transportuar lëndë drusore me dokumentacione të falsifikuara.