Mbretëresha e baladave është rikthyer. Të mërkurën, Celine Dion ka prezantuar videon e saj më të re në bashkëpunim me këngëtarin e R&B, Ne-Yo.
Videoja është xhiruar në janar dhe fansat ishin në pritje për një kohë të gjatë për daljen e klipit. Titulli i këngës është “Incredible” dhe në tekst thuhet: “Le t’i kujtojmë që jemi thjesht të jashtëzakonshëm. Le t’i japim atyre diçka të mrekullueshme”.
Videoja bën fjalë për një çift të dashuruarish dhe të dy artistët kanë performuar duke treguar një kimi të fuqishme me njëri-tjetrin. Videoja është xhiruar në një qytet si gjatë ditës ashtu edhe natën, duke bërë pjesë të saj çdokënd dhe duke shfaqur dinamikën e njerëzve.