Elton John i ka shpallur luftë “Dolce & Gabbanas”.
Kjo, pasi dyshja e kompanisë është shprehur se janë kundër birësimit të fëmijëve nga çiftet homoseksuale.
“Jemi kundër birësimeve nga homoseksualët.
Familja e vetme është ajo tradicionalja.
Jeta ka rrjedhë natyrale dhe kjo nuk duhet të ndryshojë”, raportohet se kanë thënë dy dizajnerët, Domenico Dolce dhe Stefano Gabbana.
“Krijimi i fëmijës duhet të jetë akt i dashurisë.
Jeni të lindur për t’u bërë nënë dhe baba – ose të paktën kështu duhet të jetë.
Unë i quaj këta ‘fëmijë sintetikë’”, ka thënë Dolce.
John, i cili ka dy fëmijë me partnerin David Furnish nga një nënë surrogate, ka reaguar ashpër, duke thënë se do ta bojkotojë këtë shtëpi mode.
“Si guxoni t’i quani fëmijët e mi të bukur ‘sintetikë’.
Turp që gjykoni IVF-në, që është mrekulli që iu mundëson njerëzve që duhen realizimin e ëndrrës për të pasur fëmijë.
Mendimi juaj arkaik është jashtë kohës, sikurse dizajnet tuaja.
Nuk do të blej më asnjëherë më asgjë nga ‘Dolce & Gabbana’”, ka shkruar këngëtari në Instagram.