Elvis Kabashi, futbollisti shqiptar i cili jeton në Itali është përfshirë në një aksident të rëndë automobilistik.
23-vjeçari mbrëmjen e kaluar rreth orës 1:30 ka shkaktuar një aksident të rëndë automobilistik në Forte “Dei Marmi”, ku janë përfshirë dy makina dhe një motor, e të plagosur kanë mbetur 3 persona, 1 në gjendje të rëndë.
Sipas mediave italiane, një makinë “Mercedes” që drejtohej nga Kabashi, ka goditur një makinë “Fiat” duke nisur dinamikën e përplasjes. Pas kontrollit të policisë, Kabashi rezultoi pozitiv ndaj testit të alkoolit dhe si masë parandaluese i është hequr patenta ndërsa hetohet ngjarja nga e cila kanë mbetur të plagosur tre persona.
Mes tyre, më rëndë është një 33-vjeçare nga Breshia, e cila është në gjendje të rëndë, e shtruar në reanimacionin e Versiljas. Një 41-vjeçar dhe një vajzë tjetër kanë pësuar dëme më të lehta. Nga policia është bërë e ditur se Kabashi fillimisht ka goditur një makinë që drejtohej nga një shtetas arab, ndërsa ka kaluar në korsinë tjetër duke përplasur motorin që i vinte përballë.
Kabashi aktualisht është pa skuadër pasi nga 1 korriku i skadoi kontrata afatgjatë prej 5-vitesh e nënshkruar me Juventusin. Gjithashtu futbollisti më herët pati refuzuar kombëtaren shqiptare pasi pretendonte të luante me Italinë, po prej atij momenti karriera e tij ka qenë në zbritje.
Tani fillon karriera e tij ! Shqiptari nuk do te dije per asnje ligj , apo rregull .Po mbushi barkun , ai e quan veten mbret ! Ky mentalitet e ka shoqeruar ate qe ne lindje , si komb dhe thuajse s`ka ndryshuar deri me sot !