11 mijë udhëtarë dhe 1.500 makina priten të hyjnë në vendin tonë gjatë kësaj të diele nga vendkalimi kufitar i Portit të Durrësit.
Paradite kanë mbërritur në port 5 tragete të linjave detare me portet italiane të Barit dhe Ankonës, ndërsa në mbrëmje priten 2 tragete të tjera.
Në port u ankorua këtë të diel edhe kroçera “Sirena”, me 714 turistë të huaj.
Kapiteneria e Portit detar të Durrësit ka bërë me dije se ka marrë të gjitha masat për një mbarëvajtje të shpejtë e të sigurt të situatës në terminalin e udhëtarëve.
Një fluks i shtuar është regjistruar edhe në jug të vendit. Emigrantët shqiptarë dhe turistët e huaj, të cilët pritën dje me orë të tëra në doganën e Kakavijës, pasi policët grekë punonin me personel të reduktuar, sot gjenden në tokën greke.
s.a/dita