Ëndërr, o moj ëndërr,
Gjumin se ç’ma prishe
M’i përplase krahët
Si një dallëndyshe.
Si një dallëndyshe
Mu në zemrën time,
Obobo ç’u tretën
Ato ëndërrime…
Tani që u zgjova
S’heq aspak me zemër
E ndiej veten time
Më mirë se në ëndërr.
Nektari i jetës
Më rrjedh nëpër deje
Ëndrra më e bukur
Nuk vlen para teje.
Nuk vlejnë sa ti
As lulet e njoma,
Se ti je e gjitha
Fllad edhe aroma.
O-po ç’më verbove
Me dritë rrufeje
S’ka më ëndërrime
Kush jeton pranë teje.
Ëndërr, o moj ëndërr,
O shkumë sapuni,
Tani që më zgjove
Nuk më zë më gjumi.
Kush jeton pranë teje
S’pyet më për ligjet;
O do rrojë gjith’jetën,
O në çast do digjet.
20.03.2007
Motiv popullor…
-Duro, moj zemër e gjorë
Si durojnë malet me borë!…
-S’duroj dot se jam sëmurë
Si malet nuk jam me gurë;
Jam si valëza në lumë;
Jam si vesë e jam si shkumë…
Jo, mor, jo, nuk jam si mali,
Jam thërrmuar si kristali!…
Stamboll, 5.11.2004
Pa titull…
1.
Zot, o Zot, sa jam i lodhur
Shumë kam mbjellë e pak kam korrur!…
Mbolla shumë e në çdo stinë,
Dhe jo vetëm një lëndinë!…
2.
Shumë lëndina mbolla herët
Erdhën i korrën të tjerët
Eh, ç’më gjeti, Zot, o Zot,
Mbolla shumë e s’korra dot!…
3.
Mbolla, po mbeta i varfër
Se s’m’u ndodh, për dreq, një drapër.
Më dëgjo, po mos e fol
S’kam të blej një arkivol!…
4.
Ndaj do rroj sa një gogol,
S’kam ku shkoj pa arkivol
Se unë s’jam e s’jam një horr
Arën e tjetrit të korr!…
Kafe “Sofja”, 18.02.2009
Plaka Areti
eshte e shqetesuar,
C’te me kete Beni,
pse kaq i helmuar
Aretia plake-
dite numeruar,
pse me shume me mpak,
Ben i argjenduar
Ty te duam bir
per sot e per neser,
Aretia plake,
s’te nderron me tjeter.
Bir i asaj meme,
qe e desh nje bote
Me femije- lisa,
Mundi s’i shkoi kot
Mal me je, o bir,
kurre i thermuar.
Se librat e tua,
s’kane te shteruar
Ne mbete i varfer
e di Aretia.
Por sojin s’e shkele,
Ku ka si sojllia!
30 vite mashtrime të njëjtit popull nga të njëjtët politikanë!
Të jemi kaq idiotë vallë?
Në kohët që po kalojmë,
situata është e vështirë,
premtimet tona dallojnë,
për një jetë më të mirë.
PPP të gjitha do i heqim,
të gjithë do i punësojmë,
qejfin e armiqve do ndreqim,
askënd nuk do harrojmë.
Do ju vëmë më pak taksa,
do paguani më shumë nën dorë,
rroftë informaliteti e korrupsioni,
kur të marrim pushtetin në dorë.
Do të hani të gjithë me lugë floriri,
nëse ndonjë grimcë për ju tepron,
ne do shtojmë vilat dhe luksin,
supermakina bythën na rehaton.
Na duhen edhe nja 10 tualete,
përkatësisht për çdo shtëpi,
një rosario kot varur në qafë,
do ju ndërtojmë plot xhami.
Nëpër media si gjithmonë,
veç sorrollatje me sofizma,
debate shterpë propagandë,
ku do punësojmë ca ministra?
Po nuk ua zgjidhi hallet partia,
shkoni lutuni Zotit në kishë,
fukarenjtë e pafatë jeni ju,
ne kemi lindur me këmishë.
Do bëjmë gjithshka për pushtetin,
ju si gjithmonë do mbani rrotën,
kur u ndanë këto na ranë,
a do ma jepni mua votën?